ජපානයේ ෆුකුෂිමා න්‍යෂ්ටික බලාගාරයේ විනාශයත් සමග අතහැර දැමූ ප්‍රදේශ දැන් සොබාදහමේ ගොදුරක් වී ඇති ආකාරය පෙන්වන අපූරු ඡායාරූප රැසක් මේ වනවිට අන්තර්ජාලයට එක්කර තිබේ. 2011 සුනාමි තත්ත්වයක් ද ඇතිකරමින් සිදුවූ භූමිකම්පාවකින් ෆුකුෂිමා න්‍යෂ්ටික බලාගාරයට හානි සිදුවිය. මේ හානියත් සමග ඒ අවට කිලෝ මීටර 12.5ක් දක්වා ජනතාව වහාම ඉවත් කැරිණි. ඔවුන් ඒ වනවිට භාවිතා කරමින් සිටි සියලු උපකරණ ඇතුළු දේපල සියල්ල දමා ආරක්ෂිත ස්ථාන වෙත යැවිණි.
එදා අතහැර දැමූ සියල්ල දැන් සොබා දහම විසින් ගිලගනිමින් පවතින බව එම ප්‍රදේශයේ ඡායාරූප රැසක් සනාථ කරයි. එමගින් මැවී ඇත්තේ අපූරු පරිසරයකි. නවීන යන්ත්‍ර සූත්‍ර ඇතුළු වාහන රැසක් ද පරිගණක සහිත කාර්යාලය, පොත්පත් සහිත පුස්තකාල පවා දැන් වනයෙන් වැසී යමින් පවතී. මහා මාර්ග ද වනාන්තර වෙමින් පවතී.
No comments:
Post a Comment